• 28-08-2023
    "კვარა ასე უნდა მოიქცეს და არაპროგნოზირებადი გახდება" - რუდი გარსიას კომენტარი "სასულოსოთან" გამარჯვების შემდეგ
    "კვარა ასე უნდა მოიქცეს და არაპროგნოზირებადი გახდება" - რუდი გარსიას კომენტარი "სასულოსოთან" გამარჯვების შემდეგ

    სერია ა-ს მეორე ტურში "სასუოლოსთან" გამარჯვების შემდეგ, "ნაპოლის" მთავარმა მწვრთნელმა, რუდი გარსიამ კომენტარი გააკეთა. მან ფრხბურთელებზე ინდივიდუალურად ისაუბრა, მათ შორის ხვიჩა კვარაცხელიაზეც:

    "ოსიმენმა მოედანი უკმაყოფილომ დატოვა? ის მართალია. მიზანი მარტო მოგება როდია: კარგად ვთამაშობდით, გოლის გატანას ვერ ვახერხებდით, შეტევაში მეტი აქტიურობა მოგვეთხოვებოდა. მეტი გოლის გასატანად კარში უფრო ხშირად დარტყმაა საჭირო. ძალიან არაზუსტად ვურტყამდით. 30-დან 45-ე წუთამდე ბურთი მეტოქეს დავუთმეთ. გული დამწყდა რასპადორის გამო, ბურთი ძელს გაარტყა, პენალტი ვერ გამოიყენა. ეს ყველას შეიძლება დაემართოს. მას თერთმეტმეტრიანის შესრულების უფლება ოსიმენმა დაუთმო. ეს კარგი ჟესტი იყო"

    "რასპადორის როლი ისეთივეა, როგორიც კვარაცხელიასი? რასპადორის შეუძლია თავდამსხმელთა ტრიოს უკან ითამაშოს. მას ბევრი რამ შეუძლია, დარწმუნებული ვარ, ბევრ გოლს გაიტანს და ბევრ საგოლე გადაცემას გააკეთებს. მისი გამოყენება აუცილებელია, ვინაიდან გუნდისთვის სასარგებლოდ მოქმედებს. კვარაცხელიას ძალიან წყვეტილი მოსამზადებელი ციკლი ჰქონდა, 12 დღე გაუცდა, 5 კვირიდან მხოლოდ 2 კვირა შეძლო ვარჯიში. დღეს სჯობდა მაშინ შემეყვანა მოედანზე, როდესაც მეტოქე დაღლილი იქნებოდა" 

    "ექნებათ თუ არა რასპადორისა და კვარაცხელიას უფრო თავისუფლად მოქმედების საშუალება? რასპადორის არ შეუძლია ფლანგზე დარჩეს, ცენტრში შეწევა და ოსიმენის გვერდით თამაში მართებს. "კვარამაც" მეურვე გაურკვევლობაში უნდა დატოვოს, ბურთით თავისუფალ ზონაში შეაღწიოს, ხაზებს შორის შესვლა სჭირდება, ასე ტაქტიკური თვალსაზრისით გაცილებით არაპროგნოზირებადი ხდება" 

    "ნატანს ჩვენს ფეხბურთთან ადაპტაციისთვის და ენის შესასწავლად დრო სჭირდება. ნაკლებად მორიდებული გახდა. ჟუან ჟეზუსსა და ესტეგარდს შორის არჩევანი უფრო გამოცდილზე გავაკეთე. მან პირველი ორი შეხვედრა შესანიშნავად ჩაატარა", - განაცხადა ფრანგმა.

    Facebook კომენტარები