ოფიციალურად: ვილიამ სალიბამ "არსენალთან" კონტრაქტი გაახანგძლივა

"არსენალის" ცენტრალურმა მცველმა, ფრანგმა ვილიამ სალიბამ თავისი მომავალი კლუბში განამტკიცა – ფეხბურთელმა გუნდთან ახალ ხანგრძლივ კონტრაქტს მოაწერა ხელი. 

ეს გადაწყვეტილება მას შემდეგ მიიღეს, რაც მედიის ცნობებით, მადრიდის „რეალი“ ინტერესდებოდა მისი გადაბირებით.

სალიბამ ბრაზილიელ გაბრიელ მაგალაესთან ერთად ძლიერი დუეტი შექმნა "არსენალის" დაცვის ცენტრში.  

24 წლის საფრანგეთის ეროვნული ნაკრების მოთამაშის ახალი კონტრაქტი ინგლისურ კლუბთან 2030 წლამდე განახლდა. 

“სალიბა გუნდისთვის ძალიან მნიშვნელოვანია, ის ძალიან გვეხმარება და ჩვენთან ძალიან განვითარდა, ეს კარგად აჩვენებს მის ხასიათს, ერთგულებასა და ყოველდღიურ დამოკიდებულებას გუნდის მიმართ,” – აღნიშნა არსენალის მთავარმა მწვრთნელმა მიკელ არტეტამ.

აღსანიშნავია, რომ სატრანსფერო ფანჯრის პერიოდში "არსენალმა" გუნდი აქტიურად გააძლიერა – მათ ვიქტორ გიოკერესი, ნონი მადუეკე ებერეჩი ეზე და ასევე ესპანელი მცველი კრისტიან მოსკერა დაიმატეს.