პარი სენ-ჟერმენის ვარსკვლავი მადრიდის რეალში გადადის - ტრანსფერი ახლოსაა

Fichajes-ის ინფორმაციით, პსჟ-ის 30 წლის ესპანელი ნახევარმცველი, ფაბიან რუისი, შესაძლოა მადრიდის „რეალს“ შეუერთდეს.

ფეხბურთელს პარიზელებთან ხელშეკრულება 2027 წლის ზაფხულამდე აკავშირებს, თუმცა კლუბმა მომავალში მისი უსასყიდლოდ დაკარგვის რისკის თავიდან ასაცილებლად, შესაძლოა ტრანსფერს ახლავე დათანხმდეს. წყაროს ცნობით, „სამეფო კლუბი“ ესპანელის სანაცვლოდ 40 მილიონი ევროს გადახდას გეგმავს. შესაბამისად, მაღალია ალბათობა იმისა, რომ რუისმა მომავალ სეზონში ხვიჩა კვარაცხელიასთან ერთად აღარ ითამაშოს.

შეგახსენებთ, რომ ფაბიანი პარიზულ გრანდს 2022 წელს „ნაპოლიდან“ შეუერთდა. გასულ სეზონში მის ანგარიშზე ჩატარებულ 34 შეხვედრაში 2 გოლი და 5 საგოლე გადაცემაა. Transfermarkt-ი მის სატრანსფერო ღირებულებას 30 მილიონ ევროდ აფასებს.