იმსახურებდა ამას საფონოვი? ფრანგმა ლეგენდამ პსჟ-ს რუს მეკარეს შეუტია

საფრანგეთის ნაკრების რიგებში მსოფლიოსა და ევროპის ჩემპიონმა, ემანუელ პეტიმ "პარი სენ-ჟერმენის“ მეკარის, მატვეი საფონოვის შესახებ ისაუბრა.

„კითხვა, რომელსაც ყოველთვის ვსვამ: შეიძლება თუ არა ჩემპიონთა ლიგის მოგება და შარშანდელი შედეგის გამეორება მეკარესთან ერთად, რომელსაც თამაშის ბევრ ასპექტში აქვს ნაკლი? 

"შეუძლია თუ არა პსჟ-ს, გავიდეს ბოლომდე მეკარესთან ერთად, რომელიც შეშფოთებას იწვევს? შევალიესთან დაკავშირებითაც იგივეა.

"გახსოვთ, რას აკეთებდა დონარუმა გასულ სეზონში მას შემდეგ, რაც მას დიდი ხანი აკრიტიკებდნენ? გაიხსენეთ რას აკეთებდა კურტუა „რეალში“, როცა მათ ჩემპიონთა ლიგა მოიგეს? 

"კარში ყოველთვის იდგა დიადი მეკარე. თამაშის დონე გაიზრდება, ფორვარდები გაცილებით ზუსტები იქნებიან და საჭიროა მეკარე, რომელიც ორ-სამ გადამწყვეტ მოგერიებას გააკეთებს“, – განაცხადა პეტიმ.