ბათუმელი მილიარდელი, რომელმაც ინგლისური კლუბი შეიძინა - ვინ არის მიხეილ ლომთაძე

"მიხეილ ლომთაძე - ბათუმელი მილიარდერი, რომელმაც ინგლისური კლუბი შეიძინა.

ბათუმში დაბადებული მილიარდერი მიხეილ ნუგზარის ძე ლომთაძე (დ. 17 ოქტომბერი, 1975) დღეს ერთ-ერთი ყველაზე წარმატებული ქართველი ბიზნესმენია მსოფლიოში. იგი ტექნოლოგიური გიგანტის Kaspi.kz-ის თანადამფუძნებელი და გამგეობის თავმჯდომარეა, ასევე ინვესტორია კომპანიებში „კოლიოსა“, „შინი“ და „მარკეტი“.

„ფორბსის“ 2024 წლის რეიტინგის მიხედვით, ლომთაძე სიმდიდრით ბიძინა ივანიშვილსაც გაუსწრო — მისი ქონება 5.2 მილიარდი დოლარია, რაც მსოფლიოს უმდიდრესი ადამიანების სიაში 581-ე ადგილს ნიშნავს.

განსაკუთრებული ინტერესით შეხვდა საფეხბურთო საზოგადოება ცნობას, რომ ბათუმელმა მილიარდერმა 2024 წელს ინგლისური კლუბი “უაიკომბ უონდერერსი” შეიძინა, რომელიც ამჟამად ქვეყნის მესამე დივიზიონში გამოდის და ერთ-ერთ ყველაზე ამბიციურ გუნდად ითვლება. შარშან ძალიან ცოტა დააკლდათ მეორე ლიგაში გადასასვლელად. ლომთაძემ სამ პარტნიორთან — ედუარდ ვიშნიაკოვთან და დანიელ რაისთან ერთად კლუბის 90%-იანი წილი შეისყიდა.

აღღნიშვნაა, რომ მიხეილ ლომთაძე ასევე ფლობს ყაზახურ კლუბ „ჟენისს“, სადაც მთავარი მწვრთნელია ბათუმის „დინამოს“ ყოფილი თავკაცი ანდრეი დემჩენკო.

ბათუმური ფეხბურთის გულშემატკივრები იმედოვნებენ, რომ მსოფლიოს წარმატებული ბათუმელი ბიზნესმენი ერთ დღეს მშობლიურ კლუბს — “დინამო ბათუმს” - მიმართავს ინტერესით.

ეს ნამდვილად იქნებოდა განსაკუთრებული ისტორია", - წერს "აჭარის ფეხბურთი".