25 წლის ქართველმა ფეხბურთელმა, ბექა მიქელთაძემ “ნიუკასლ ჯეტსი” დატოვა. ახალგაზრდა მოთამაშეს ავსტრალიურ გუნდთან კონტრაქტი ამოეწურა.

მხარეებმა ხელშეკრულების გახანგრძლივების თაობაზე შეთანხმებას ვერ მიაღწიეს.

“მადლობა ყველაფრისთვის, ეს გუნდი ჩემს გულში სამუდამოდ დარჩება. წარმატებები”. - წერს ქართველი მოთამაშე სოციალურ ქსელში.

ცნობისთვის, 25 წლის ფეხბურთელმა მიმდინარე სეზონის ჩატარებულ 23 შეხვედრაში 6 გოლი გაიტანა და 3 საგოლე გადაცემა შეასრულა.