როგორც მოგეხსენებათ, საქართველოს ნაკრებისა და “ვალენსიას” 24 წლის მეკარეს, გიორგი მამარდაშვილს დიდებული წელი გამოუვიდა.

გიორგიმ ევრო 2024-ზე ყველაზე მეტი სეივი შეასრულა და გულშემატკივრებს თავი სამუდამოდ დაამახსოვრა.

FIFA წლის საუკეთესო გუნდს ავლენს, სადაც მეკარის პოზიციაზე ერთ-ერთი კანდიდატი სწორედ მამარდა გახლავთ.

გიორგის კონკურენტები კი ედერსონი (მანჩესტერ სიტი), იასინ ბონო (ალ ჰილალი) ანდრეი ლუნინი (რეალი),  ემილიანო მარტინესი (ასტონ ვილა), დავიდ რაია (არსენალი), ჯანლუიჯი დონარუმა (პსჟ), მაიკ მენიო (მილანი) იან ზომერი (ინტერი), უნაი სიმონი (ატლეტიკი) და რონვენ უილიამსი (მამელოდი სანდაუნსი) არიან.