• 06-05-2022
    ევროპა ლიგის ფინალში "აინტრახტი" და "რეინჯერსი" ითამაშებენ
    ევროპა ლიგის ფინალში "აინტრახტი" და "რეინჯერსი" ითამაშებენ

    რამდენიმე წუთის წინ დასრულდა ევროპა ლიგის ნახევარფინალური ეტაპის საპასუხო მატჩები, რომლებმაც უეფას რანგით მეორე ტურნირის ფინალის მონაწილეები გაარკვიეს.


    ცენტრალური შეხვედრა გერმანიაში შედგა. "დოიჩე ბანკ არენაზე" ადგილობრივმა "აინტრახტმა" ლონდონის "ვესტ ჰემს" რაფაელ სანტოს ბორეს მიერ 26-ე წუთზე გატანილი გოლით მოუგო. ამ გოლამდე 7 წუთით ადრე "ჩაქუჩები" 10 კაცით დარჩნენ - წითელი ბარათი აარონ კრისველმა მიიღო, რამაც განაპირობა, რომ პრემიერლიგურმა კლუბმა ვითარების შემოატრიალება ვერ შეძლო.


    ფრანკფურტელებს პირველი მატჩიც მოგებული ჰქონდათ (2:1), ამიტომ ფინალში ისინი ძალიან დამაჯერებლად გავიდნენ. ორი მატჩის ჯამში 3:1 და გერმანელები სანუკვარ ტიტულს უფრო მიუახლოვდნენ.


    რაც შეეხება მეორე თამაშს, იქ სენსაცია შედგა. გლაზგოს "რეინჯერსმა", რომელმაც პირველი შეხვედრა ძალიან მტკივნეულად, ბოლო წუთებზე წააგო (0:1) გერმანულ "ლაიფცგის" დიდი სიურპირიზი შესთავაზა და მოუგო, ანგარიშით 3:1.


    შოტლანდიელებმა ორივე გოლი 6 წუთის შუალედში გაიტანეს - მე-18 წუთზე ჯეიმს ტავერნიემ გამოიჩინა თავი, 24-ეზე კი გლენ კამარამ გაიტანა. დარჩენილ დროში "წითელმა ხარებმა" გაიბრძოლეს და კრისტოფერ ნკუნკუმ პარიტეტი აღადგინა. ფრანგის გოლმა "წითელ ხარებს" ფრთები შეასხა და მათ ყველაფრის ძირითად დროში მოგვარებაზე გაიწიეს, მაგრამ გოლი საკუთარ კარში მიიღეს - ჯო ლუდსტრამმა მე-80 წუთზე შეაგდო.


    მაშასადამე, ფინალი უკვე დაკომპლექტებულია - ფრანკფურტის "აინტრახტი" გლაზგოს "რეინჯერსის" წინააღმდეგ. აღნიშნული მატჩი სევილიაში, "რამოს სანჩეს პისხუანზე", 18 მაისს გაიმართება.

    Facebook კომენტარები