• 28-07-2023
    ოფიციალურად: რიად მაჰრეზი "ალ აჰლის" ფეხბურთელია
    ოფიციალურად: რიად მაჰრეზი "ალ აჰლის" ფეხბურთელია

    "მანჩესტერ სიტიმ" ოფიციალურად დაადასტურა, რომ 32 წლის მარცხენა გარემარბი რიად მაჰრეზი კარიერას საუდის არაბულ "ალ აჰლიში" გააგრძელებს.

    "ალ-აჰლმა" ალჟირელ ვარსკვლავში 30 მილიონი ფუნტი გადაიხადა. 

    "მანჩესტერ სიტისთვის" თამაში პატივი და პრივილეგია იყო. 

    "სიტიში" ტიტულების მოსაგებად და ფეხბურთით სიამოვნების მისაღებად მოვედი. საბოლოო ჯამში, ორივე შევასრულე და კიდევ უფრო მეტსაც მივაღწიე. ამ კლუბში 5 დაუვიწყარი წელი გავატარე, ვიმუშავე დაუჯერებელ ფეხბურთელებთან, ფანტასტიკურ ფანებთან და მსოფლიოში საუკეთესო მწვრთნელთან," - უთხრა რიადმა "ქალაქელთა" ოფიციალურ ვებსაიტს.

    შეგახსენებთ, რომ რიადი "სიტიმ" 2018 წელს შეიძინა და "ლესტერს" მის სანაცვლოდ 67 მილიონი ევრო გადაუხადა.

    მანჩესტერულ კლუბში მაჰრეზმა 236 მატჩი ჩაატარა, 78 გოლი გაიტანა და 59 საგოლე გადაცემა გააკეთა. "ეტიჰადზე" მან 4 პრემიერლიგა, 3 კარაბაოს თასი, 2 ასოციაციის თასი და 1 ჩემპიონთა ლიგა მოიგო.


    Facebook კომენტარები