"ნაპოლის" მთავარმა მწვრთნელი, ლუჩიანო სპალეტი მედიასთან საუბრისას ხვიჩა კვარაცხელიას ტრანსფერსაც გამოეხმაურა. იტალიელი მოხარულია, რომ ახალგაზრდა ქართველი ფეხბურთელი მის კლუბს შეუერთდება:

"ხვიჩა ფიზიკურად ძლიერი მოთამაშეა და კარგად შეუძლია სივრცეების ათვისება. ის ერთ-ერთი მათგანია, ვისაც თამაშის მიმდინარეობისას სწორი გამოსავლის პოვნა შეუძლია. ასეთ ფეხბურთელებს ბევრი გოლი გააქვთ, მწვრთნელებს კი მათთან მუშაობა უყვართ."

შეგახსენებთ, რომ ქართველი ვარსკვლავი ნეაპოლურ კლუბს ზაფხულში 5 წლიანი კონტრაქტით 10 მილიონი ევროს სანაცვლოდ შეუერთდება. ხვიჩას წლიური ანაზღაურება 1.1 მილიონი ევრო იქნება.