ჟოაო კანსელუს "ბარსელონაში" გადასვლა უნდა, - იუწყება Mundo Deportivo.

პორტუგალიელმა ფლანგელმა თავისი სურვილის შესახებ საკუთარ აგენტს, ჟორჟე მენდეშს უკვე შეატყობინა. ამაზე იცის ჩავი ერნანდესმაც.

როგორც ირკვევა, მარჯვენა მცველი მზადაა, რომ ხელფასიც კი შეიმციროს.

კანსელუს სურს, რაც შეიძლება მალე შეუერთდეს ისეთ დიდ კლუბს, როგორიც "ბლაუგრანაა". 

29 წლის ვარსკვლავის გაფორმების შანსი "ბარსას" უსმან დემბელეს წასვლის შემდეგ გაუჩნდა. "ლურჯ-ბროწეულისფრები" ახლა "მანჩესტერ სიტის" უნდა მოურიგდნენ.