24 წლის ალჟირელი ფეხბურთელი, ბილელ ბენჰამუდა ავტოსაგზაო შემთხვევას შეეწირა.

ბილელი "უსმ ალჟერის" ნახევარმცველი გახლდათ. გუშინ მან ალჟირისა და კონგოს ნაკრებების ამხანაგურ მატჩში მიიღო მონაწილეობა (3:0) და მე-13 წუთზე პენალტი ზუსტად შეასრულა.

როგორც აღმოჩნდა, ბენჰამუდას ცხოვრებაში ეს უკანასკნელი გოლი იყო...

შეხვედრის დასრულებიდან რამდენიმე საათში გავრცელდა ინფორმაცია იმის შესახებ, რომ ბილელის ცხოვრება ტრაგიკულმა შემთხვევამ იმსხვერპლა.

ცნობისთვის, შემტევმა ნახევარმცველმა მთელი კარიერა "უსმ ალჟერში" გაატარა. ალჟირის ეროვნულ გუნდში მან 2 გოლი გაიტანა.