• 18-06-2022
    ოფიციალურად: კახა ცხადაძემ თბილისის “დინამო” დატოვა
    ოფიციალურად: კახა ცხადაძემ თბილისის “დინამო” დატოვა

    53 წლის სპეციალისტმა, კახა ცხადაძემ თბილისის "დინამო" დატოვა. ინფორმაციას დედაქალაქური გუნდი სოციალურ ქსელში ავრცელებს.


    კახასთან ერთად გუნდი მისმა ასისტენტებმა, გიორგი ჩიხრაძემ და მილოშ იევტიჩმაც დატოვეს.


    "დინამოს" სპორტული მიმართულების ხელმძღვანელმა, ალექსანდრე რეხვიაშვილმა განცხადება გაავრცელა: 


    "კლუბის გადაწყვეტილებით ამ მომენტში ხელშეკრულების გაწყვეტა საუკეთესო გამოსავალია. მადლიერები ვართ კახას და მისი გუნდის მიერ გაწეული სამსახურით და გვინდა მათ წარმატება ვუსურვოთ", - განაცხადა ალექსანდრე რეხვიაშვილმა.


    ჯერჯერობით უცნობია თუ ვინ ჩაიბარებს თბილისის "დინამოს", თუმცა გავრცელებული ცნობებით თბილისური გუნდი აღნიშნულ პოსტზე ლევან კორღალიძის და გიორგი ჭიაბრიშვილის კანდიდატურას განიხილავს.


    Facebook კომენტარები