• 30-06-2022
    გიორგი მამარდაშვილი: "ჩრდილოეთ მაკედონიასთან დიდი გამოცდილება მივიღე"
    გიორგი მამარდაშვილი: "ჩრდილოეთ მაკედონიასთან დიდი გამოცდილება მივიღე"

    საქართველოს ნაკრებისა და "ვალენსიას" 21 წლის კრის დარაჯი, გიორგი მამარდაშვილი გუშინ გადაცემა "ტაიმაუტში" იყო მიწვეული.


    ახალგაზრდა ფეხბურთელმა ბევრ საინტერესო თემაზე ისაუბრა:


    "საქართველოს ნაკრების წარმატების მთავარი მიზეზი ისაა, რომ ძალინ შეკრული გუნდია. სწრაფი და ფეხბურთელები ძალიან ბევრს ვმუშაობთ, რომ შედეგი იყოს.

    ჩრდილოეთ მაკედონიასთან დიდი გამოცდილება მივიღე. ბედნიერი ვიყავი, რომ ჩემი აზრით, ჯგუფის ყველაზე რთულ თამაშში მწვრთნელი მენდო და ჩემი დებიუტით ბედნიერი ვიყავი.

    მეკარეებში ჯანსაღი კონკურენციაა და ეს კარგია, მაგრამ მოედნის გარეთ ჩვეულებრივ მეგობრული ურთიერთობა გვაქვს. საერთოდ, კონკურენცია ყველა გუნდში უნდა იყოს. ჩემი აზრით, ამ ნაკრებს და ამ თაობას შეუძლია, დიდ ტურნირზე გავიდეთ და გავახაროთ ჩვენი გულშემატკივარი.

    გასვლით თამაშზე ქართველი გულშემატკივრის თანადგომა ძალიან დაგვეხმარა და დიდი მადლობა მათ. ბულგარეთთან რაზგადში ისეთი ატმოსფერო შექმნეს, თავი საშინაო თამაშზე მეგონა.

    ჩემი აზრით, საქართველოს ჩემპიონატის დონე იმატებს, ხალხიც მეტი დადის, სტადიონებიც უკეთესია. დონე აშკარად იმატებს." - განაცხადა გიორგი მამარდაშვილმა.


    შეგახსენებთ, რომ გიორგი მამარდაშვილი უახლოეს მომავალში ესპანეთში გაფრინდება და "ვალენსიასთან" ერთად ახალი სეზონისთვის მზადებას დაიწყებს.


    მომზადებულია 1TV-ს მიხედვით.


    Facebook კომენტარები
    მეტი სიახლის ნახვა