• 01-07-2022
    ოფიციალურად: გიორგი წიტაიშვილი პოზნან “ლეხის” ფეხბურთელია
    ოფიციალურად: გიორგი წიტაიშვილი პოზნან “ლეხის” ფეხბურთელია

    საქართველოს ნაკრების 21 წლის ფეხბურთელი, გიორგი წიტაიშვილი კარიერას პოზნან "ლეხში" გააგრძელებს. ინფორმაციას პოლონური გუნდი სოციალურ ქსელში ავრცელებს.


    ახალგაზრდა ფეხბურთელი "ლეხს" იჯარის წესით შეუერთდა. გიომ ახალ გუნდთან კონტრაქტს ხელი უკვე მოაწერა და სამედიცინო შემოწმებაც გაიარა.


    21 წლის ტალანტი პოლონურ გუნდში 14 ნომრიან მაისურს მოირგებს.


    საგულისხმოა, რომ პოზნან "ლეხი" ჩემპიონთა ლიგის საკვალიფიკაციო ეტაპზე იასპარეზებს.


    ცნობისთვის, გიორგი წიტაიშვილმა გასულ სეზონში კრაკოვის "ვისლას" მაისურით ჩატარებულ 7 შეხვედრაში 1 გოლი გაიტანა და ამავე რაოდენობის საგოლე გადაცემა შეასრულა.


    Facebook კომენტარები
    მეტი სიახლის ნახვა