"ბარსელონამ" ლამინე იამალთან კონტრაქტის გახანგრძლივება ოფიციალურად დაადასტურა.

სუპერტალანტი "ბლაუგრანაში" 2026 წლამდე დარჩება.

როგორც კი ლამინე სრულწლოვანი გახდება, აღნიშნული ხელშეკრულების ვადა 2030 წლის ივლისამდე გაიწერება. "ლურჯ-ბროწეულისფერთ" ეს უკვე დაგეგმილი აქვთ.

იამალის გამოსასყიდი თანხა მილიარდი ევროთი განისაზღვრა.

შეგახსენებთ, რომ მიმდინარე სეზონში ჩატარებულ 9 მატჩში ლამინემ 2 საგოლე გადაცემა მიითვალა.