• 29-07-2022
    “ ყველაფერს გავაკეთებ, რომ გულშემატკივრებს მადლობა თამაშით გადავუხადო” - ინტერვიუ გიორგი მანუელ გონსალვეშ ჩუბინიძესთან
    “ ყველაფერს გავაკეთებ, რომ გულშემატკივრებს მადლობა თამაშით გადავუხადო” - ინტერვიუ გიორგი მანუელ გონსალვეშ ჩუბინიძესთან
    Aa

    საქართველოს 17-წლამდე ნაკრებში "ბორნმუთის" აკადემიაში მოთამაშე საინტერესო ფეხბურთელი, გიორგი მანუელი გონსალვეშ ჩუბინიძე გამოიძახეს.


    გიორგი "ბორნმუთის" ღირსებას 2019 წლიდან იცავს, თანაც საკმაოდ წარმატებით. 14 წლის ფეხბურთელის მამა ქართველია, დედა კი პორტუგალიელი გახლავთ. გიორგი ყველანაირი გამოწვევის მისაღებად მზად არის, მისი ოცნება კი მსოფლიოს ჩემპიონატის მოგებაა.


    "ფუტბოლნიუსი" გიორგი მანუელი გონსალვეშ ჩუბინიძეს დაუკავშირდა და მასთან მცირე ინტერვიუ ჩაწერა:


    – ყველანი მოხარულები ვართ თქვენი გადაწყვეტილებით, ვინ იქონია მთავარი წვლილი თქვენს საქართველოს ნაკრებში თამაშზე?


    – მეც მინდოდა ბავშვობიდან და მამასაც. ვფიქრობ, 50/50-ზე გადაწყვეტილება იყო.


    – თქვენს ოჯახზე რომ გვესაუბროთ? როგორ მოხვდით ინგლისში?


    – მამაჩემი 22 წლის წინ ჩამოვიდა ინგლისში, დედაჩემი კი 20 წლის წინ. აქ შეხვდნენ ერთმანეთს და 2 შვილი გაუჩნდათ, უფროსი ძმა 18 წლისაა.


    – უკვე დიდი ხანია "ბორნმუთის" აკადემიაში ასპარეზობ, გააცანი ქართველ გულშემატკივარს იქაური პირობები.


    – "ბორნმუთში' თამაში 2019 წლის დეკემბერში დეკემბერში. 8 კვირიან შერჩევითზე ვიყავი ჩაწერილი და 2 კვირაში თანხმობა მომცეს. 2020 წლის თებერვალში კონტრაქტსაც მოვაწერე ხელი და მას შემდეგ აქ ვარ, საუკეთესო გუნდია, საუკეთესო მწვრთნელებით. მიხარია, რომ მამამ ასეთი არცევანი გააკეთა, რადგან კიდევ 3-4 გუნდს სურდა ჩემი დამატება. კლუბი ახალ აკადემიასაც აშენებს, რომელიც ინგლისში ერთ-ერთი საუკეთესო იქნება.


    – ფეხბურთის თამაში რამდენი წლის ასაკში დაიწყე?


    – ფეხბურთზე მამამ 3 წლის ასაკში შემიყვანა.


    – გააცანი ქართველ გულშემატკივარს შენი თავი - რამდენი წლის ხარ, რა პოზიციაზე თამაშობ და როგორი სტილის მიმდევარი ხარ…


    – მე ვარ გიორგი ჩუბინიძე ( გიორგი მანუელ გონსალვეს ჩუბინიძე - სრულად პასპორტით. ამას მხოლოდ ოფიციალურად ვიყენებთ ) 14 წლის. მამაჩემის გუნდში რომ ვთამაშობდი, 12 წლის ვიყავი და შემტევითი ნახევარმცველის როლს ვირგებდი, "ბორნმუთში" კი ყველა პოზიციაზე მაქვს ნათამაშები. მიუხედავად ამისა, ვფიქრობ, რომ შემტევი მარჯვენა ნახევარმცველი ჩემი საუკეთესო პოზიციაა, ასევე შემიძლია მარცხნივ თამაში, ორივე ფეხს კარგად ვიყენებ. საერთო ჯამში, შემტევი ფეხბურთი მიყვარს.


    – გაგვიზიარე პირველი გრძნობები, როდესაც საქართველოს 17-წლამდე ნაკრებში გამოგიძახეს…


    – თავიდან ვერაფერს ვგრძნობდი, თუმცა მამაჩემის სახეს რომ ვუყურებდი, ვხვდებოდი, რაღაც ძალიან მაგარი მოხდა. 1-2 დღის შემდეგ უფრო მომაწვა სიხარულის გრძნობა.


    – სადებიუტო შეხვედრის ჩატარება “ჯვაროსნების” მაისურით მონტენეგროს წინააღმდეგ მოგიწევს, რას იტყვი ამ შეხვედრის შესახებ?


    – ალბათ ბევრს ვერაფერს, არ ვიცნობ გუნდს, არც მონტენეგროს. 10 წუთითაც რომ მათამაშონ საქართველოს ნაკრების მაისურით, უბედნიერესი ვიქნები.


    – როგორც ვიცით, ჯერჯერობით ქართული ენა არ იცი, აპირებ თუ არა მშობლიური ენის შესწავლას?


    – არა, ჯერ ვერ ვლაპარაკობ. რაღაც სიტყვები ვიცი, თუმცა ძალიან მინდა შევისწავლო.


    – ქართველმა გულშემატკივრებმა ძალიან დიდი სიყვარული გამოხატეს შენს მიმართ, რას ეტყოდი მათ?


    – სიმართლე გითხრათ, ასეთი რამ არასდროს განმიცდია, ძალიან თბილ და ლამაზ სიტყვებს იმეტებენ ჩემ მიმართ. ყველაფერს გავაკეთებ, რომ გულშემატკივრებს მადლობა თამაშით გადავუხადო და გავახარო.


    – ვინ არის შენი საყვარელი ფეხბურთელი და როგორ დაახასიათებ მას?


    – კრიშტიანუ რონალდუ. ამ ადამიანმა დაგვანახა, თუ რა მოაქვს შრომას, დაუღალავ შრომას. ის ყოველთვის ფორმაშია, ყოველთვის თავგადასავლებშია და ძალიან უყვარს თავისი ოჯახი.


    – რა არის შენი ოცნება?


    – ჩემი ოცნება მსოფლიოს ჩემპიონატის მოგებაა.


    – და ბოლოს, მზად ხარ თუ არა ახალი გამოწვევების მისაღებად?


    – ყველაფრისთვის მზად ვარ, ყველანაირი გამოწვევისთვის.



    Facebook კომენტარები
  • VIDEO: შედევრი! - ზურიკო დავითაშვილის ულამაზესი საგოლე პასი
    04-10-2022
    VIDEO: შედევრი! - ზურიკო დავითაშვილის ულამაზესი საგოლე პასი
  • “მადლობას ვუხდი ვეფხვების სტაფის ყველა წევრს” - არველაძე “ჰალს” დაემშვიდობა
    03-10-2022
    “მადლობას ვუხდი ვეფხვების სტაფის ყველა წევრს” - არველაძე “ჰალს” დაემშვიდობა
  • VIDEO: პატარა ბიჭის რეაქცია, როცა ხვიჩა კვარაცხელიასგან საჩუქარი მიიღო
    03-10-2022
    VIDEO: პატარა ბიჭის რეაქცია, როცა ხვიჩა კვარაცხელიასგან საჩუქარი მიიღო
  • კვარაცხელიას მასწავლებელი სასიამოვნო ისტორიას იხსენებს: "ხვიჩა ბურთს მიგორებდა და იძახდა.."
    03-10-2022
    კვარაცხელიას მასწავლებელი სასიამოვნო ისტორიას იხსენებს: "ხვიჩა ბურთს მიგორებდა და იძახდა.."
  • “მთავარი მოტივაცია ჩემი ოჯახია” - ინტერვიუ ნიკა ხორხელთან
    03-10-2022
    “მთავარი მოტივაცია ჩემი ოჯახია” - ინტერვიუ ნიკა ხორხელთან
  • “მსოფლიოში საუკეთესო 9-იანი ხარ” - სუარესმა ჰალანდი შეაქო
    03-10-2022
    “მსოფლიოში საუკეთესო 9-იანი ხარ” - სუარესმა ჰალანდი შეაქო
  • დიდი დაპირისპირების მოლოდინში - რას ამბობს "აიაქსის" მწვრთნელი კვარაცხელიას შესახებ
    03-10-2022
    დიდი დაპირისპირების მოლოდინში - რას ამბობს "აიაქსის" მწვრთნელი კვარაცხელიას შესახებ
  • იქნება თუ არა კვარა “აიაქსთან” ძირითადში - “ნაპოლის” სავარაუდო XI
    03-10-2022
    იქნება თუ არა კვარა “აიაქსთან” ძირითადში - “ნაპოლის” სავარაუდო XI
  • მეტი სიახლის ნახვა