როგორც მოგეხსენებათ, საქართველოს ნაკრების 21 წლის ფეხბურთელმა, ზურიკო დავითაშვილმა ბათუმის "დინამოსთან" ერთად ვარჯიში განაახლა.

კლუბის პრეზიდენტმა, არჩილ ბერიძემ საქართველოს პირველ არხთან ზუკას შესახებ ისაუბრა:

"ზურიკო დავითაშვილთან მიმდინარეობს მოლაპარაკება და ვნახოთ, აქედან რა გამოვა. ერთია, რომ ზურიკოს კარიერულ წინსვლაში ხელს არ შევუშლით. მაგრამ ჯერ ზუსტად ვერ გეტყვით, დარჩება თუ არა ჩვენთან" – განაცხადა არჩილ ბერიძემ.

შეგახსენებთ, რომ ზურიკოს ტრანსფერით ფრანგული "ლორიენი" ინტერესდებოდა, თუმცა შეთანხმება გარკვეული მიზეზების გამო ვერ შედგა.