• 09-09-2022
    პრემიერ ლიგის მე-7 ტური გადადებულია
    პრემიერ ლიგის მე-7 ტური გადადებულია
    Aa

    ყველა ინგლისური და შოტლანდიური საფეხბურთო მატჩი, რომლებიც მომავალ უქმეებზე უნდა გამართულიყო, გადადებულია. ამით ხუთშაბათს გარდაცვლილი დედოფალი ელიზაბეტის ხსოვნას მიეგება პატივი.


    გადადებულია როგორც პრემიერ ლიგის, ჩემპიონშიფის, ლიგა ერთისა და ლიგა ორის მატჩები, ასევე ყველა არასაჩემპიონატო თუ სამოყვარულო დაპირისპირება. გადაიდო ქალთა სუპერლიგის დაწყებაც. ანალოგიური რამ დაადასტურა შოტლანდიის ფეხბურთის ფედერაციამაც.


    მიღებული ზომები ფეხბურთის ფარგლებსაც გაცდა. მაგალითისთვის, 15 ოქტომბრამდე გადაიდო კლარესა შილდისა და სავანა მარშალის დაპირისპირება კრივში, რომელსაც საშუალო წონითი კატეგორიის მსოფლიო ჩემპიონი უნდა გამოევლინა.


    შეგახსენებთ, რომ დედოფლის გარდაცვალება გუშინ, თბილისის დროით 21:30 საათზე დადასტურდა.


    წუხელ "არსენალმა" ელიზაბეთის ხსოვნას პატივი "ციურიხთან" მატჩის მეორე ტაიმის დაწყებამდე, წუთიერი დუმილით მიაგო. წუთიერი დუმილი ვიხილეთ "ოლდ ტრაფორდზეც", "მანჩესტერ იუნაიტედისა" და "რეალ სოსიედადის" შეხვედრის სტარტამდე.

    Facebook კომენტარები