როგორც მოგეხსენებათ, საქართველოს ნაკრებისა და “ნაპოლის” ახალგაზრდა ფეხბურთელმა, ხვიჩა კვარაცხელიამ “ატალანტას” წინააღმდეგ მშვენიერი გოლი გაიტანა.

Opta Italia-ს მიერ გავრცელებული ინფორმაციის თანახმად, ხვიჩა კვარაცხელიამ გასული სეზონიდან მოყოლებული იტალიის ჩემპიონატში 18 გოლი გაიტანა და 18 საგოლე გადაცემა შეასრულა.

საგულისხმოა, რომ მსგავსი შედეგის დაფიქსირება სერია ა-ში მხოლოდ ხვიჩამ მოახერხა.

ხვიჩა ევროპის ტოპ 5 ლიგაში მე-6 ფეხბურთელი გახდა, ვინც მსგავსი შედეგი დააფიქსირა.

ხვიჩა ლიონელ მესის, ბუკაიო საკას, მოჰამედ სალაჰს, ვინისიუს ჟუნიორსა და ანტუან გრიზმანს შეუერთდა.

ცნობისთვის, უშუალოდ მიმდინარე სეზონში 12 ჩატარებულ მატჩში 4 გოლი გაიტანა და 3 საგოლე გადაცემა შეასრულა.