• 29-03-2022
    გრანდმა სტრატეგია შეიმუშავა -  ხვიჩას მომავალ კლუბზე GAZZETTA წერს
    გრანდმა სტრატეგია შეიმუშავა - ხვიჩას მომავალ კლუბზე GAZZETTA წერს
    ავტორი
    Aa

    იტალიური გამოცემა Gazzetta Dello Sport იტყობინება, რომ "ნაპოლის" ლორენცო ინსინიეს შემცვლელი სჭირდება, მათ რადარზე კი 2 შესაძლო ალტერნატივაა - ხვიჩა კვარაცხელია და ადნან იანუზაი.


    ამ საკითხზე, იტალიურმა წყარომ საინტერესო სტატია შემოგვთავაზა:


    "ამ ტრანსფერის წინაპირობები უფრო და უფრო იზრდება. კვარაცხელია "რუბინში" დაბრუნებას არც საიჯარო ხელშეკრულების ამოწურვის შემდეგ გეგმავს. ის დროებით ბათუმის "დინამოში" გადავიდა, მაგრამ იმის ალბათობა, რომ ქართველი ეროვნულ ჩემპიონატში უფრო დიდი ხნით გაჩერდება, მიზერულია.


    რუსები მის ტრანსფერს 15 მილიონ დოლარს აფასებენ. ნეაპოლელებისთვის, ეს ძალიან მისაღები ღირებულებაა. როდესაც ყველა ფიქრობდა, რომ ადნან იანუზაის ტრანსფერი გარდაუვალი იყო, რადარზე ქართველი გამოჩნდა. თავის მხრივ, თავისუფალი აგენტი ხდება ბელგიელი შემტევიც, ამიტომ ბევრი რამ შეიძლება მოხდეს. 


    დიდი ალბათობით, კვარაცხელიას ხელფასი არც თუ ისე მაღალი იქნება, "ნაპოლის" ხელმძღვანელობა ხარჯების შემცირებას გეგმავს", - წერს Gazzetta Dello Sport.

    Facebook კომენტარები