როგორც მოგეხსენებათ, ამჟამად ჩემპიონთა ლიგაზე 1/8 ფინალური ეტაპი მიმდინარეობს, მომდევნო ეტაპის საგზური კი 4-მა კლუბმა მოიპოვა.

"მანჩესტერ სიტი", "ბაიერნი", "ლივერპული" და, რა თქმა უნდა, მადრიდის "რეალი" - ეს გუნდები ჩემპიონთა ლიგისთვის ბრძოლას აგრძელებენ, დარჩენილი 4 საგზურისთვის

კი 8 კლუბი იბრძოლებს.

პლეიოფის პირველი ეტაპის სანახევროდ ჩატარების შემდეგ, FiveThirtyEight-ის სუპერკომპიუტერმა ჩემპიონთა ლიგის ახალი პროგნოზი შემოგვთავაზა.

ალგორითმმა იმ გუნდების ჩემპიონობის შანსები, რომლებიც მომდევნო ეტაპზე მოხვდნენ, პროცენტულად გადაანაწილა.

აღსანიშნავია, რომ სუპერკომპიუტერის აზრით, მადრიდის "რეალს" ჩემპიონთა ლიგაზე ტრიუმფის 13%-იანი შანსი აქვს.

საბოლოოდ, პროგნოზი ასეთია:

• "მანჩესტერ სიტი" - 30%
• "ბაიერნი" - 29%
• "ლივერპული" - 28%
• "რეალი" - 13%