• 23-01-2023
    კეინი "ტოტენჰემთან" ახალი კონტრაქტის გაფორმებას აპირებს
    კეინი "ტოტენჰემთან" ახალი კონტრაქტის გაფორმებას აპირებს
    Aa

    29 წლის ინგლისელი ცენტრფორვარდი, ჰარი კეინი, რომელსაც ზაფხულში გუნდის გამოცვლას უწინასწარმეტყველებდნენ, ლონდონის "ტოტენჰემთან" ახალი კონტრაქტის გაფორმებას აპირებს.


    The Athletic-ის ინფორმაციით, კეინის ახალ ხელშეკრულებაზე მხარეებს კონტაქტი 2021 წლის სატრანსფერო საგის შემდეგ აღარ ჰქონიათ, როცა ჰარი კინაღამ "მანჩესტერ სიტის" გზას გაუდგა. მაშინ ლონდონელებმა თავდასხმელის შენარჩუნება მოახერხეს და დიდი ალბათობით, ახლაც იმავეს გააკეთებენ.


    მოლაპარაკებები იანვრის სატრანსფერო ფანჯრის დახურვის შემდეგ დაიწყება. ბრიტანული ტაბლოიდის თანახმად, კეინს "ტოტენჰემ სთედიუმზე" დარჩენა და გუნდის 15-წლიანი უტიტულო სერიის დასრულება უნდა.


    ჰარის სურვილი, რომ "დეზებს" ნანატრი გამარჯვება მოუპოვოს, მისი მომავლის მთავარი განმაპირობებელი იქნება.


    ინგლისელს ჩრდილოლონდონელებთან მოქმედი კონტრაქტი 2024 წლის ივლისამდე აკავშირებს. მისით მიუნხენის "ბაიერნი" და "მანჩესტერ იუნაიტედი" არიან დაინტერესებულნი.


    "ტოტენჰემის" მაისურით ყველა ტურნირზე ჩატარებულ 414 მატჩში კეინს 265 გოლი აქვს გატანილი. 1 გოლიც და იგი კლუბის ყველა დროის საუკეთესო ბომბარდირის, ჯიმი გრივზის მაჩვენებელს (266) გაიმეორებს. ამის შანსი ჰარის დღეს, "ფულემის" წინააღმდეგ ექნება.

    Facebook კომენტარები