• 24-01-2023
    კვარაცხელიამ დასვენების დღეს ივარჯიშა - ხვიჩა "რომასთვის" ემზადება
    კვარაცხელიამ დასვენების დღეს ივარჯიშა - ხვიჩა "რომასთვის" ემზადება
    Aa

    იტალიური "ნაპოლის" ქართველი შემტევი ხვიჩა კვარაცხელია გრიპისგან ბოლომდე განიკურნა. 21 წლის შემტევი ახლა სრული დატვირთვით ვარჯიშობს და "რომასთან" კვირას გასამართი მატჩისთვის ემზადება.


    თუ Repubblica-ს დავუჯერებთ, კვარამ "პარტენოპეის" საწვრთნელ ბაზაზე გუშინ ინდივიდუალურად ივარჯიშა.


    "სალერნიტანას" წინააღმდეგ დამაჯერებლად მოგებული მატჩის შემდეგ, "ნაპოლის" მთავარმა მწვრთნელმა, ლუჩიანო სპალეტიმ თავის შეგირდებს ორდღიანი დასვენების უფლება მისცა, თუმცა კვარამ იგი არ გამოიყენა და "კასტელ ვორტუნოზე" გამოცხადდა.


    ხვიჩასთან ერთად გუშინ ჟოან ჟესუსმა და დიეგო დემემაც ივარჯიშეს.


    ამ ინფორმაციიდან შეგვიძლია დავასკვნათ, რომ "ჯალაროსისთან" ჯახისთვის ხვიჩა მზად იქნება. უდიდესი ალბათობით, იგი ჟოზე მოურინიოს გუნდს პირველივე წუთებიდანვე შეუტევს.


    შეგახსენებთ, რომ კვარაცხელიამ "ნაპოლის" ბოლო ორი მატჩი გამოტოვა. სერია ა-ში ნეაპოლელებს კვარას დანაკლისი არ შესტყობიათ და მათ "სალერნიტანას" იოლად სძლიეს, მაგრამ იტალიის თასიდან "კრემონეზესთან" მარცხით გამოვარდნენ.


    რაც შეეხება "ნაპოლისა" და "რომას" დაპირისპირებას, იგი 29 იანვარს, თბილისის დროით 23:45 საათზე დაიწყება.



    Facebook კომენტარები