• 24-01-2023
    რეკორდების ცვენა საფრანგეთის თასზე - მბაპემ მე-6-ლიგელი გუნდი არ დაინდო
    რეკორდების ცვენა საფრანგეთის თასზე - მბაპემ მე-6-ლიგელი გუნდი არ დაინდო
    Aa

    "პარი სენ ჟერმენმა" გუშინ საფრანგეთის თასის მეთექვსმეტედფინალურ მატჩში "პაის დე კასელს" ასტრონომიული სხვაობით, ანგარიშით 7:0 მოუგო.


    საფრანგეთის რანგით მეექვსე დივიზიონში მოასპარეზე გუნდის წინააღმდეგ, კრისტოფ გალტიემ სასტარტო თერთმეტეულში კილიან მბაპე, სერხიო რამოსი, ნეიმარი და სხვა ვარსკვლავები დააყენა. დასვენების საშუალება მხოლოდ ლიონელ მესის მიეცა, რომელიც განაცხადში საერთოდ ვერ მოხვდა.


    მეტოქის სისუსტით ყველაზე კარგად მბაპემ ისარგებლა. 24 წლის თავდამსხელმა "ლანსის" სტადიონზე ჩატარებულ მატჩში მოწინააღმდეგეს 5 გოლი გაუტანა და გახდა პირველი ფეხბურთელი "პსჟ-ს" ისტორიაში, რომელმაც ოფიციალურ მატჩში რეპოკერი შეასრულა.


    კილიანმა პირველი გოლი 29-ე წუთზე შეაგდო, 11-წუთიან მონაკვეთში ჰეთ-თრიქი შეასრულა, მეორე ტაიმში კი ამას 2 გოლიც გაუტანა.


    მბაპემ გუშინ რამდენიმე მნიშვნელოვანი მაჩვენებელიც დააფიქსირა: გახდა პირველი ფეხბურთელი ჟან პიერ პაპენის (1998) შემდეგ, რომელმაც საფრანგეთის თასზე 29 გოლი შეაგდო, გახდა პირველი ფეხბურთელი დალიო ოლისის (1980, მონაკო) მერე, რომელმაც საფრანგეთის თასზე 27 გოლი ერთი გუნდის მაისურით გაიტანა და გახდა პირველი ფეხბურთელი მიშელ პლატინის (1975) შემდეგ, რომელმაც საფრანგეთის თასის მეთექვსმეტედფინალურ ეტაპზე რეპოკერი შეასრულა.


    პარიზელებს შემდეგი მატჩი ლიგა ერთის ეგიდით ელოდებათ. 29 იანვარს ისინი "რეიმსს" დაუპირისპირდებიან.

    ტეგები:
    Facebook კომენტარები