ზაფხულის დასაწყისში ხვიჩა კვარაცელიას "პსჟ"-ში ტრასნფერზე ძალიან ბევრი იწერებოდა, ბოლო პერიოდში ცნობები შემცირდა.

თუმცა უცხოურ პრესაში იწერება ინფორმაცია, რომ პარიზული გუნდი ქართველს ვერ ელევა და მისი შეძენა კვლავ სურს.

ამის შესახებ სატრანსფერო ექსპერტი, პაოლო ბარგიჯა წერს.

მისი თქმით, ფრანგებს კვარასთან ერთად ვიქტორ ოსიმენის შეძენაც სურთ, რომლის მომავალიც ჯერ-ჯერობით გაურკვეელია.

ის ასევე ამბობს, რომ "პსჟ"-მ "ნაპოლის" ოფიციალური წინადადებით მიმართა და ამ დუეტში ის 200 მილიონ ევროს იხდის.

აქვე შეგახსენებთ, რომ ნეაპოლში სურთ, რომ ქართველს კონტრაქტი განუახლონ, თუმცა მხარეები პირობებზე ვერ თანხმდებიან.