• 21-04-2022
    "ტოტენჰემი" დუმფრისს უმიზნებს
    "ტოტენჰემი" დუმფრისს უმიზნებს

    მილანის "ინტერის" მცველი, დენზელ დუმფრისი  სერია ას ერთ-ერთი გამორჩეული მოთამაშეა. იტალიური წყაროების მტკიცებით, ლონდონის "ტოტენჰემი" მისით სერიოზულადაა დაინტერესებული. ანტონიო კონტე მომავალი სეზონისთვის გუნდის გაძლიერებას გეგმავს. ზამთრის სატრანსფერო ფანჯრის პერიოდში "დეზებმა" "იუვედან" ბენტანკური და კულუსევსკი წაიყვანეს. 


    ჰოლანდიელი "ნერაძურის" მიმდინარე სეზონის დასაწყისში 14 მილიონი ევროს სანაცვლოდ "პსვ-დან" შეუერთდა. მილანური გრანდის ხელმძღვანელობა მის გაყიდვას ჯერ-ჯერობით არ განიხილავს.  როგორც  Tuttosport-ი გვამცნობს, იმ შემთხვევაში თუ რომელიმე კლუბი დენზელში 35-40 მილიონ ევროს გადაიხდის, შესაძლოა "ინტერი" დაფიქრდეს.


    შეგახსენებთ, რომ 26 წლის მცველით მიუნხენის "ბაიერნიცაა" დაინტერესებული. დუმფრისს მიმდინარე სეზონში ჩატარებულ 39 მატჩში, 4 გოლი და 7 საგოლე გადაცემა აქვს.

    Facebook კომენტარები