France Football-მა გამოქვეყნა იმ ჯილდოების ნომინანტთა სია, რომელსაც პარიზში, შატლის თეატრში გასამართ გალაცერემონიაზე გადასცემენ გამარჯვებულებს. ცხადია, მთავარი პრიზი ოქროს ბურთია, თუმცა გულშემატკივარს მხოლოდ ამისთვის ლოდინი არ მოუწევს. ფრანგული გამოცემა, უეფასთან ერთად (რაც ამ ცერემონიის არსებობის ისტორიაში პირველად ხდება), წლის საუკეთესო ახალგაზრდა ფეხბურთელს კოპას ჯილდოს გადასცემს, ხოლო წლის საუკეთესო მამაკაც მეკარეს - იაშინის ჯილდოს. დასახელდება საუკეთესო მწვრთნელიც.

ნომინანტთა ჩამონათვალი შემდეგნაირად გამოიყურება:

კოპას ჯილდო: ჟოაუ ნევეში (პსჟ/პორტუგალია), სავინიო (მანჩესტერ სიტი/ბრაზილია), მატაის ტელი (ბაიერნი/საფრანგეთი), ლამინ იამალი (ბარსელონა/ესპანეთი), ვარენ ზაირ-ემერი (პსჟ/საფრანგეთი), პაუ კუბარსი (ესპანეთი/ბარსელონა), ალეხანდრო გარნაჩო (მანჩესტერ იუნაიტედი/არგენტინა), არდა გიულერი (რეალი/თურქეთი), კარიმ კონატე (ზალცბურგი/კოტ დიუვარი), კობი მეინუ (მანჩესტერ იუნაიტედი/ინგლისი)

წლის საუკეთესო მწვრთნელი მამაკაცთა ფეხბურთში: ჩაბი ალონსო (ბაიერ ლევერკუზენი), კარლო ანჩელოტი (რეალი), ლუის დე ლა ფუენტე (ესპანეთი), ჯან პიერო გასპერინი (ატალანტა), პეპ გვარდიოლა (მანჩესტერ სიტი), ლიონელ სკალონი (არგენტინა)

იაშინის ჯილდო: დიეგო კოშტა (პორტუ/პორტუგალია), ჯანლუიჯი დონარუმა (პსჟ/იტალია), გრეგორ კობელი (ბორუსია დორტმუნდი/შვეიცარია), ანდრე ლუნინი (რეალი/უკრაინა), მაიკ მენიო (მილანი/საფრანგეთი), გიორგი მამარდაშვილი (ვალენსია/საქართველო), ემილიანო მარტინესი (ასტონ ვილა/არგენტინა), უნაი სიმონი (ატლეტიკ ბილბაო/ესპანეთი), იან ზომერი (ინტერი / შვეიცარია), რონუენ უილიამსი (მამელოდი სანდაუნსი/სამხრეთ აფრიკა)

ოქროს ბურთის 30 ნომინანტი სულ ცოტა ხანში გახდება ცნობილი.

აქვე შეგახსენებთ, რომ დაჯილდოება 28 ოქტომბერს გაიმართება.