"მანჩესტერ" იუნაიტედმა პრემიერ ლიგის 2024/25 წლების სეზონი საკმაოდ მძიმედ დაიწყო, "ლივერპულის" შემდეგ, ამჯერად გუნდი "ტოტენჰემთან", ანგარიშით 3-0 განადგურდა. 

"წითელმა ეშმაკებმა" პრემიერ ლიგის ახალ სეზონში, "ოლდ ტრაფორდზე" ჯამში 3 მატჩი ჩაატარეს, საიდანაც გოლის გატანა მხოლოდ ერთხელ, გახსნით მატჩში, "ფულემის" წინააღმდეგ შეძლეს. 

საინტერესოა ის ფაქტი, რომ ამ მომენტისთვის ორი გუნდი, "ლივერპული" და "ტოტენჰემი" არიან სწორედ ისეთები, რომლებსაც მიმდინარე კამპანიის განმავლობაში, "ოლდ ტრაფორდზე" "მანჩესტერ იუნაიტედზე" მეტი გოლი გაიტანეს. 

ამ ყველაფრის ფონზე, ინგლისურ პრესაში გავრცელდა ინფორმაცია, რომლის მიხედვითაც, კლუბის მფლობელები ერიკ ტენ ჰაგის ჩანაცვლებას გეგმავენ. Caughtoffside-ის ცნობით, ნიდერლანდელი მწვრთნელის ჩამნაცვლების მთავარი კანდიდატი სიმონე ინძაგია.