როგორც მოგეხსენებათ, ახალგაზრდა ქართველი ფეხბურთელი, გაბრიელ სიგუა “ბაზელში” ჩაირიცხა. ინფორმაციას შვეიცარიულმა გუნდმა ოფიციალურად დაადასტურა.

სიგუამ ახალ გუნდთან კონტრაქტს ხელი 2028 წლის ზაფხულამდე მოაწერა.

18 წლის ფეხბურთელი შვეიცარიულ გუნდში 21-ნომრიანი მაისურით ითამაშებს.

სიგუა თბილისის "დინამოს" აღზრდილი გახლავთ. ახალგაზრდა ფეხბურთელის დებიუტი დედაქალაქურ გუნდში 2022 წელს შედგა.

სიგუამ თბილისური გუნდის მაისურით ჩატარებულ 30 შეხვედრაში 5 გოლი გაიტანა და 4 საგოლე გადაცემა შეასრულა.

გაბრიელს უკვე საქართველოს ეროვნულ ნაკრებში თამაშის გამოცდილებაც აქვს.

ცნობისთვის, "ბაზელი" გასულ სეზონში შვეიცარიის ჩემპიონატში მე-5 ადგილზე გავიდა.