როგორც მოგეხსენებათ, საქართველოს ნაკრებისა და “ვალენსიას” ახალგაზრდა მეკარის, გიორგი მამარდაშვილის შეძენით არაერთი გუნდი ინტერესდებოდა, თუმცა ტრანსფერი ვერ შედგა.

ესპანურმა გამოცემა Deporte Valenciano-მ ხვიჩას შესახებ საინტერესო სტატია შემოგვთავაზა:

“სატრანსფერო ფანჯრის დახურვამდე რამდენიმე დღით ადრე გიორგი მამარდაშვილის წასვლა იმ 25-30 მილიონ ევროდ, რასაც კლუბი ითხოვს, პრაქტიკულად გამორიცხული გახლავთ. ეს სულაც არ არის ცუდი ამბავი და პრინციპში შეგვიძლია მივიღოთ ისე, როგორც ბრწყინვალე სიახლე.

პირველ რიგში, იმიტომ, რომ გუნდს კვლავ ეყოლება მაღალი დონის მეკარე. თანაც, გიორგის აქვს პოტენციალი, რომ უფრო სრულყოფილი გახდეს. მეორეც, თუკი ის პროგრესს გააგრძელებს და ევროპიდან თუ საუდის არაბეთიდან წამოვა ინტერესი, შესაძლოა, მომავალ ზაფხულს შესაძლებელი გახდეს იმაზე გაცილებით მსუყე ტრანსფერის განხორციელება, ვიდრე ამ დროისთვის წარმოგვიდგენია. 

თუ 1 სექტემბრამდე არაფერი შეიცვალა, მომავალი 12 თვის განმავლობაში გიორგი ვალენსიას ღირსებას დაიცავს”. - წერს Deporte Valenciano.