მონაკოში უეფას კონფერენს ლიგის 2023/2024 წლების სეზონის ჯგუფური ეტაპის წილისყრა შედგა, სადაც 32 გუნდი 8 ჯგუფში გადანაწილდა.
ტურნირის მთავარ ფავორიტად შერაცხული "ასტონ ვილა" E ჯგუფში შეხვდა, სადაც ნიდერლანდურ "ალკმაარს", პოლონურ "ლეგიასა" და ბოსნიურ "ზრინსკის" დაუპირისპირდება.
გასული სეზონის ვიცე-ჩემპიონი "ფიორენტინა" F ჯგუფშია და უნგრულ "ფერენცვაროშს", ბელგიურ "გენკსა" და სერბულ "კუკარიჩკის" შეერკინება.
აღსანიშნავია, რომ კონფერენს ლიგაზე იასპარეზებს ორი ქართველიც - გურამ კაშიასა და ჯაბა კანკავას "სლოვანი" A ჯგუფშია.
ჯგუფები შემდეგნაირად დაკომპლექტდნენ:
ჯგუფი A: ლილი, სლოვან ბრატისლავა, ოლიმპია ლუბლიანა, კლაკსვიკი
ჯგუფი B: გენტი, მაკაბი თელ-ავივი, ზორია ლუგანსკი, ბრეიდაბლიკი
ჯგუფი C: დინამო ზაგრები, ვიქტორია პლზენი, ასტანა, ბალკანი
ჯგუფი D: ბრიუგე, ბოდო/გლიმტი, ბეშიქთაში, ლუგანო
ჯგუფი E: ალკმაარი, ასტონ ვილა, ლეგია ვარშავა, ზრინსკი
ჯგუფი F: ფერენცვაროში, ფიორენტინა, გენკი, კუკარიჩკი
ჯგუფი G: აინტრახტი, პაოკი, აბერდინი, ჰელსინკი
ჯგუფი H: ფენერბახჩე, ლუდოგარეცი, სპარტაკ ტრნავა, ნორდსიელანდი
ჯგუფური ეტაპის პირველი ტური 21 სექტემბერს შედგება.