სლოვაკეთის ჩემპიონატის მე-5 ტურში გურამ კაშიასა და ჯაბა კანკავას "სლოვან ბრატისლავა" "დუნაისკა სტრედასთან" 3-1 დამარცხდა. 

მატჩთან დაკავშირებით, გუნდის მთავარმა მწვრთნელმა, ვლადიმერ ვაისმა ისაუბრა, სადაც ჯაბაზე გაამახვილა ყურადღება: 

"სახელებს არ დავასახელებ, შეცდომას ყველა უშვებს, მაგრამ ჩვენ ორთაბრძოლებში უბრალოდ ვაგვიანებთ. ასე ვიტყვი, ნორმალური არ არის, რომ ჩვენი საუკეთესო ფეხბურთელი ისევ ჯაბა კანკავაა. ის გულით და ემოციით თამაშობს" 

"მას გამოვყოფ, რადგან ამას იმსახურებს. წარმოუდგენელია, როგორ იბრძვის კლუბისთვის და ჩემთვის. თუმცა, თუ უმრავლესობა მისნაირად არ ითამაშებს, დავმარცხდებით" - თქვა ვაისმა.