უკრაინელმა საფეხბურთო სპეციალისტმა, ოლეგ ფეტორჩუკმა დონეცკის "შახტარზე" ისაუბრა.

მან ამ საუბრისას ქართველი ლეგიონერები, ირაკლი აზაროვი და გიორგი გოჩოლეიშვილი გამოყო:

"მე მომწონს ორი ქართველი, გოჩოლეიშვილი და აზაროვი. განსაკუთრებით აზაროვი მომწონს. წარსულში კიევის „დინამო’’ ქართულ ბაზარზე კარგად მუშაობდა: კალაძე, დემეტრაძე, ცვეიბა, მაგრამ ახლა „შახტარი’’ უფრო მეტადაა მოქნილი, ამიტომ სჯობნის კიევურ კლუბს’’, - განაცხადა უკრაინელმა.

აქვე შეგახსენებთ, რომ დონეცკელები დღეს კიევის "დინამოს" დაუპირისპირდება.