• 08-11-2023
    ლევანდოვსკი თავისი თავის აჩრდილია - საშინელი სერია
    ლევანდოვსკი თავისი თავის აჩრდილია - საშინელი სერია

    "ბარსელონამ" ჩემპიონთა ლიგის ჯგუფური ეტაპის მე-4 ტურში დონეცკის "შახტართან" წააგო. ჰამბურგში გამართული შეხვედრის ერთადერთი გოლი მე-40 წუთზე, დანილო სიკანმა გაიტანა. ასისტენტობა მას საქართველოს ნაკრების ფლანგელმა, გიორგი გოჩოლეიშვილმა გაუწია.

    "ლურჯ-ბროწეულისფერთა" მხრიდან კარგად არავის უთამაშია. საშინელი მატჩი ჰქონდა რობერტ ლევანდოვსკისაც, რომელმაც თავი ვერაფრით გამოიჩინა.

    პოლონელი გოლეადორისთვის ეს ზედიზედ მე-6 უგოლო შეხვედრაა.

    ამაზე ცუდი შედეგი რობერტს ბოლოს 2010/2011 წლების სეზონში ჰქონდა, როცა დორტმუნდის "ბორუსიას" მაისურით ჩატარებული ზედიზედ 10 შეხვედრა დატოვა გოლის გარეშე.

    შეგახსენებთ, რომ მიმდინარე სეზონში პოლონელის მონაგარი 6 შედეგიანი დარტყმისგან შედგება.

    Facebook კომენტარები