იტალიური "კრემონეზეს" ქართველმა ფეხბურთელმა, ლუკა ლოჩოშვილმა ადგილობრივ მედიასთან მცირე ინტერვიუ ჩაწერა.

"სერია B-ს შესახებ მანამდე ბევრი რამ არ ვიცოდი. აქ ყველა თამაში რთულია, ყველა მეტოქე ბოლო წუთამდე იბრძვის.

"ვფიქრობ, რომ ძლიერი გუნდი ვართ. "კრემონეზესთან" ერთად მთავარი მიზანი სერია ა-ში დაბრუნებაა.

"იტალიის უმაღლეს ჩემპიონატში თამაში ნებისმიერი მოთამაშის მიზანია. აქ მოსახვედრად მაღალი დონე უნდა შევინარჩუნოთ", - თქვა ქართველმა.