• 07-10-2022
    თბილისის "დინამომ" პრინციპულ დაპირისპირებაში იმარჯვა
    თბილისის "დინამომ" პრინციპულ დაპირისპირებაში იმარჯვა
    Aa

    საქართველოს ეროვნული ჩემპიონატის 29-ე ტურის ცენტრალურ მატჩში თბილისის "დინამომ" შინ ბათუმის "დინამო" მიიღო. შეხვედრამდე გუნდებს შორის სხვაობა სულ რაღაც ერთი ქულა იყო. აღნიშნული ფაქტი მატჩს დაძაბულობას უფრო მატებდა.


    შეხვედრის პირველ ნახევარში გუნდები აშკარად ფრთხილობდნენ და უშუალოდ სათამაშო ეპიზოდიდან სახიფათო მომენტი არც ერთ კლუბს შეუქმნია. ამას ვერ ვიტყვით მეორე 45 წუთზე. გუნდები გააქტიურდნენ და ორივე კართან სახიფათო მომენტებმაც იმატა. შეხვედრის 69-ე წუთზე ნიკოლოზ მალის გადაცემას თბილისელთა კაპიტანი, დავით სხირტლაძე გამოეხმაურა და მასპინძლები დააწინაურა.


    გაშვებული გოლის შემდგომ შავიზღვისპირელებმა შეტევას მოუმატეს, მაგრამ კუტალაძის კარში ბურთის გატანა ვერ შეძლეს.


    აღსანიშნავია ის ფაქტი, რომ დღევანდელ შეხვედრაში საქართველოს საფეხბურთო ისტორიაში პირველად VAR-ის სისტემა გამოიყენა. მატჩის მთავარმა არბიტრმა საკამათო ეპიზოდი თავად გადაამოწმა და თბილისის "დინამოს" მე-18 ნომერი, ბარნს ოსეი მოედნიდან გააძევა. საბოლოოდ შეხვედრა თბილისელთა გამარჯვებით 1-0 დასრულდა. შედეგად მათ სატურნირო ცხრილში პირველ ადგილზე გადაინაცვლეს.

    Facebook კომენტარები