26 წლის ქართველი ფეხბურთელი, გიორგი ზარია ბათუმის “დინამოს” ტოვებს.

ახალგაზრდა ფეხბურთელი ყაზახურ “კაირათში” გადავიდა. გიორგიმ ახალ გუნდთან კონტრაქტს ხელი 2025 წლის ზაფხულამდე მოაწერა.

ცნობისთვის, ზარიამ გასულ სეზონში ჩატარებულ 36 შეხვედრაში 9 გოლი გაიტანა და 4 საგოლე გადაცემა შეასრულა.

საგულისხმოა, რომ გიორგიმ ბათუმის “დინამოსთან” ერთად 2-ჯერ მოიგო საქართველოს ჩემპიონატი.

აქვე გეტყვით იმასაც, რომ გიორგი ზარიას თბილისის “დინამოში” თამაშის გამოცდილებაც აქვს.