ახალგაზრდა ქართველო ფეხბურთელი, ლაშა ოდიშარია კარიერას “რიგას ფუტბოლ სკოლაში” გააგრძელებს. ინფორმაციას ლატვიური გუნდი სოციალურ ქსელში ავრცელებს.

ახალგაზრდა ფეხბურთელი ახალ გუნდში 8 ნომრიან მაისურს მოირგებს.

ოდიშარია მის ყოფილ გუნდს თბილისის “დინამოს” სოციალური ქსელის მეშვეობით დაემშვიდობა:

“დიდი მადლობა ყველაფრისთვის, ყველა წუთისთვის რომელიც დინამოში გავატარე. ძალიან ბედნიერი ვარ, რომ მქონდა შესაძლებლობა მეტარებინა საქართველოს ყველაზე ტიტულოვანი გუნდის მაისური. წინსვლას და წარმატებას გისურვებთ”. - წერს ოდიშარია.

ცნობისთვის, “რიგას ფუტბოლ სკოლა” ლატვიის მოქმედი ჩემპიონი და გამორჩეული გუნდი გახლავთ.