მოქმედმა ჩემპიონა საფრანგეთმა მუნდიალი 2022 ბრწყინვალედ დაიწყო - ავსტრალიას 4-1 სძლია და პირველი 3 ქულაც ჩაიწერა აქტივში. 

ფრანგების ერთ-ერთმა მთავარმა ვარსკვლავმა, კილიან მბაპემ, მსოფლიო ჩემპიონატის რეკორდიც დაამყარა - ავსტრალიასთან გატანილი გოლით ის ყველაზე ახალგაზრდა ფრანგი გახდა, რომელმაც მსოფლიო ჩემპიონატებზე 5 გოლის გატანა მოახერხა.

აქამდე, ეს რეკორდი ჟუსტ ფონტეინს ეკუთვნოდა, რომელსაც 5 გოლი 24 წლის ასაკში დაუგროვდა, მაგრამ "პსჟ"-ს ვარსკვლავმა ეს შედეგი გააუმჯობესა.

მომდევნო ტურში დიდიე დეშამის გუნდი დანიას დაუპირისპირდება.