როგორც მოგეხსენებათ, საქართველოს ნაკრებისა და “ნაპოლის” ახალგაზრდა ფეხბურთელის, ხვიჩა კვარაცხელიას ხელფასი დაახლოებით 1.5 მილიონ ევროს შეადგენს, რაც გუნდში ერთ-ერთი საუკეთესო მაჩვენებელი გახლავთ.

გავლენიანი იტალიური გამოცემის, Calcionapoli24-ის მიერ გავრცელებული ინფორმაციის თანახმად, აურელიო დე ლაურენტისსა და მამუკა ჯუღელს შორის შეხვედრა შედგა.

იტალიელმა რეჟისორმა კვარაცხელიას მხარეს 3-4 მილიონი ევრო შესთავაზა, ხვიჩას აგენტი კი 7 მილიონ ევროს ითხოვს.

ჯერჯერობით უცნობია, მიაღწევენ თუ არა მხარეები საბოლოო შეთანხმებას.

ცნობისთვის, კვარაცხელია გასულ სეზონში სერია ა-ს საუკეთესო ფეხბურთელი გახლდათ და ასეთი დაბალი ხელფასი ნამდვილად გასაკვირია.