• 01-12-2022
    "გოჩოლეიშვილი მრავალფეროვანია, მაგრამ ვარსკვლავური შენაძენი არაა" - ua-football
    "გოჩოლეიშვილი მრავალფეროვანია, მაგრამ ვარსკვლავური შენაძენი არაა" - ua-football
    ავტორი
    Aa

    გიორგი გოჩოლეიშვილი 1 მილიონი ევროს სანაცვლოდ კარიერას დონეცკის "შახტარში" გააგრძელებს. 21 წლის ფეხბურთელის ტრანსფერს უკრაინული გამოცემა ua-football ვრცელი სტატიით გამოეხმაურა:


    "შეგვიძლია, გოჩოლეიშვილი უკრაინელი გულშემატკივრისთვის კარგად ცნობილ გრიგორ პენდუტს შევადაროთ. სტატისტიკურად, გოჩოლეიშვილის მთავარი პლუსებია - პრესინგის თამაში, ჩაწოდებები და დრიბლინგი.


    შეიძლება ითქვას, რომ გიორგი საკმაოდ მრავალმხრივი მოთამაშეა. მას არ აქვს გამორჩეული იარაღი და ამავდროულად არც რომელიმე სათამაშო კომპონენტშია კატასტროფული. გიორგი არც არასამუშაო ფეხით თამაშშია ურიგო.


    საშუალოდ ერთი მატჩის განმავლობაში ქართველი 2022 წელს 0.29 საკვანძო გადაცემას, 0.79 დარტყმასა და  3.8 ჩაწოდებას აკეთებს.  19 ორთაბრძოლაში იღებს მონაწილეობას, საიდანაც საშუალოდ 52%-ში გამარჯვებული გამოდის. მის ანგარიშზეა 5.7 "მოტყუება" და 4.8 ართმევა. მისი თითქმის ყველა მაჩვენებელი პროგრესულია წინა კალენდარულ წელთან შედარებით. რაც შეეხება შედარებით სუსტ წერტილს, ეს  სტანდარტულებისას თამაშია (პოზიციის როგორც მეტოქის ასევე საკუთარი კარის სიახლოვისას შერჩევა)", - წერს გამოცემა.

    Facebook კომენტარები