კილიან მბაპე მიმდინარე მუნდიალის ერთ-ერთი საუკეთესო ფეხბურთელია, რომელიც ბომბარდირთა დავის მოწინავე პოზიციაზეც იმყოფება. 

სულ მალე ფრანგებს 1/4 ფინალურ ეტაპზე უმნიშვნელოვანესი შეხვედრა ელით - მათი მეტოქე ინგლისის ეროვნული ნაკრები იქნება. 

L'equipe იტყობინება, რომ შესაძლოა დიდიე დეშამი ამ შეხვედრას უდიდესი დანაკლისით შეხვდეს და კილიან მბაპე დააკლდეს. როგორც ირკვევა, "პსჟ"-ს ვარსკვლავმა საფრანგეთის ბოლო ვარჯიში გამოტოვა. 

წყაროს ცნობით, დეშამი, მბაპე და მთავარი ექიმი ვარჯიშის დაწყებამდე დიდი ხნით საუბრობდნენ. საქმე სავარაუდოდ კოჭის დაზიანებასთან გვაქვს, რადგან მბაპეს ეს პრობლემა ტურნირის დაწყებამდეც აწუხებდა.