• 25-01-2023
    რონალდუ “იუვენტუსისთვის” ჩივილს აპირებს
    რონალდუ “იუვენტუსისთვის” ჩივილს აპირებს
    Aa

    შესაძლოა, კრიშტიანუ რონალდუმ ტურინის "იუვენტუსს" უჩივლოს. იტალიური პრესის ინფორმაციით, მიზეზი აუნაზღაურებელი თანხაა.


    გავრცელებული ცნობით, პორტუგალიელ სუპერვარსკვლავს არ მიუღია 19.9 მილიონი ევრო, რომელიც კლუბთან დადებული საიდუმლო შეთანხმებით უნდა გადასცემოდა.


    2022 წლის 23 მარტს, ტურინელმა სამართალდამცველებმა ადვოკატის, ფედერიკო რესტანოს ოფისში აღმოაჩინეს საიდუმლო დოკუმენტი, რომლის მიხედვითაც, „ბებერი ქალბატონი’ რონალდუს 19.9 მილიონ ევროს დაჰპირდა.


    კორონავირუსის პანდემიისას, როცა ფეხბურთელებმა ხელფასების შემცირებაზე თანხმობა განაცხადეს, „ბებერი ქალბატონი“ ამ ნაბიჯის გადადგმის სანაცვლოდ კრიშტიანუს 20 მილიონს დაჰპირდა და ეს შეთანხმება ფინანსურ დოკუმენტებში არ აღრიცხა, რის გამოც, საქმეზე გამოძიება მიმდინარეობს.


    ეს ყველაფერი არაა. სამართალდამცველები ცდილობენ, დაამტკიცონ, რომ 2020 წლის მარტში, ფეხბურთელებს ხელფასის ნაწილი არ დაუთმიათ და კლუბთან ფარული ხელშეკრულებები გააფორმეს, რომელთა წყალობითაც, 3 თვის ანაზღაურება მიიღეს.


    შეგახსენებთ, რომ 2018 წელს, კრიშტიანუმ კლუბს საკუთარი მომავალი 3 წლით დაუკავშირა და იგი ყოველწლიურად, 31 მილიონ ევროს იღებდა. მან ტურინული გრანდი 2021 წლის აგვისტოში დატოვა.

    Facebook კომენტარები