ხვიჩა კვარაცხელიამ ბრწყინვალე თამაშით ევროპული გრანდების ყურადღება მიიპყრო, განსაკუთრებული ინტერესი კი პრემიერ ლიგიდანაა.

Talksport იტყობინება, რომ კვარაცხელიას ტრანსფერით ლონდონის "არსენალი" და "ტოტენჰემი" დაინტერესდნენ:

"2022 წელს "ტოტენჰემს" კვარაცხელია სურდა, მაგრამ ის "ნაპოლიმ" ჩაიგდო ხელში, სადაც კვარას სათამაშო ხარისხი საგრძნობლად გაიზარდა. ეს ყველაფერი არ გამორჩენიათ პრემიერ ლიგაში - "არსენალი", "სიტი" და "ტოტენჰემი" მას სატრანსფერო ხასიათის მესიჯებს სისტემატიურად უგზავნიან."

"ლივერპულის" ყოფილი ფეხბურთელი, დონ ჰატჩინსონი ამბობს, რომ კვარაცხელია საუკუნის აღმოჩენაა:

"კვარა საუკუნის ტალანტია, მისი თამაში აღმაფრთოვანებელია, ისევე, როგორც ვიქტორ ოსიმენი. ეს დუეტი გამანადგურებელია. ვფიქრობ, "ნაპოლი" "არსენალს" დაამარცხებდა", - განაცხადა მან.