როგორც მოგეხსენებათ, "ბარსელონამ" დღეს გუნდის გასვლითი ფორმა წარადგინა 2023/2024 წლების სეზონისთვის. მაისური თეთრია, ლურჯ-წითელი დეტალებით, ხოლო შორტი - ლურჯი.
Catalunya Radio-ს ინფორმაციით, ეს ფორმა შეიძლება "ბლაუგრანას" ისტორიაში ყველაზე გაყიდვადი ფორმა გახდეს.
საინტერესოა, რომ გულშემატკივართა შორის აზრთა სხვადასხვაობა შეინიშნება.
მაგალითად, SPORT-ის მიერ ჩატარებულ გამოკითხვაში ხმის მიმცემთა 55%-მა ფორმა დადებითად შეაფასა, 45%-მა კი - უარყოფითად.
ესპანური გამოცემა წერს, რომ კლუბის ოფიციალურ მაღაზიებში ზოგიერთმა ქომაგმა მაისურის შეძენაზე უარი თქვა. "მაისური კარგია, მაგრამ მას არ შევიძენ. ჩავიცვა თეთრი? არასოდეს!" - უთქვამთ მათ.
სხვათა შორის, ყველაზე დიდი პოპულარობით პედრის 8-ნომრიანი მაისური სარგებლობს.
აქვე გეტყვით, რომ "ლურჯ-ბროწეულისფერნი" ამ ფორმას პირველად ხვალ, ლონდონის "არსენალის" წინააღმდეგ მოირგებენ.