როგორც მოგეხსენებათ, ხვიჩა კვარაცხელიას იტალიის ჩემპიონატში გატანილი სადებიუტო გოლიდან 1 წელი გავიდა.

ამასთან დაკავშირებით "fichajes"-მა საინტერესო სტატია გამოაქვეყნა.

"ნაპოლიში" უცნობად ჩასული ხვიჩა კვარაცხელია, რომელიც საუკეთესო მოთამაშე გახდა. ქართველს "პარტენოპეიში" კლუბის ლეგენდა ლორენცო ინსინიე უნდა შეეცვალა და მან ეს შეძლო". 

"მას ადაპტაციისთვის დრო არ დასჭირვებია. თავისი გოლებითა და საგოლე გადაცემით სერია A-ს ჩემპიონის ტიტულის მოპოვებაში გადამწყვეტი როლი ითამაშა".

"43 შეხვედრაში 14 გოლი და 17 ასისტი - ეს მისი მონაგარია. გახდა სერია A-ს საუკეთესო ფეხბურთელი და ჩემპიონთა ლიგის სეზონის საუკეთესო ახალგაზრდა მოთამაშე". 

"ნაპოლიში" მეორე სეზონში კვარაცხელიას ლუჩანო სპალეტის დროს ნაჩვენები მაღალი დონის შენარჩუნება მოუწევს. რუდი გარსიას მწვრთნელობის პირობებში ის და ოსიმენი მორიგი წარმატების მთავარი შემოქმედნი უნდა იყვნენ", - წერს გამოცემა.