როგორც მოგეხსენებათ, MLS-ის 1/8 ფინალში “ატლანტა იუნიატედი” “კოლუმბუს ქრიუს” წინააღმდეგ დამარცხდა.

“ატლანტა იუნიატედის” შემადგენლობაში მიმდინარე სეზონში საბა ლობჟანიძე გამოჩნდა, რომელმაც ამერიკელ გულშემატკივრებს თავი მალევე შეაყვარა.

საბამ სოციალურ ქსელში წლის შემაჯამებელი კომენტარი გააკეთა:

“სეზონი იმაზე ადრე დასრულდა, ვიდრე ველოდებოდით, თუმცა ყველაფერი გავიღეთ. ჩვენ გამოვიყენებთ ამ დროს და დავბრუნდებით უფრო ძლიერები ვიდრე ოდესმე!

მადლობელი ვარ 17-იანების, ჩემი გუნდის და თანამშრომლების, რომ დამეხმარნენ სახლის პოვნაში სახლიდან შორს! მხარდაჭერა, რომელიც მივიღეთ მერსედეს ბენს არენაზე, ძალიან მაგარი იყო!

კიდევ ერთხელ დიდი მადლობა და მომავალ სეზონში შეგხვდებით”. - განაცხადა ლობჟანიძემ.

ცნობისთვის, საბამ გასულ სეზონში ჩატარებულ 12 შეხვედრაში 3 გოლი გაიტანა და 5 საგოლე გადაცემა შეასრულა.