• 06-04-2022
    შესაძლოა, ლუკაკუ კვლავ "ინტერში" ვიხილოთ
    შესაძლოა, ლუკაკუ კვლავ "ინტერში" ვიხილოთ

    La Gazzeta dello Sport-ი იუწყება, რომ რომელუ ლუკაკუს კვლავ იტალიაში სურს დაბრუნება. "ნერაძურის" ხელმძღვანელობაც არ გამორიცხავს ამ ფაქტს. იგი ამჟამად ლონდონის "ჩელსიში" ასპარეზობს. Tuttosport-ის ცნობით, ბელგიელი გასულ კვირაში "ინტერის" ბოსებსა და ფეხბურთელებს დაუკავშირდა და გამოხატა დაბრუნების სურვილი. წყაროს მტკიცებით, რომელუ პრემიერ ლიგაში უკმაყოფილოა, რადგან დიდი ხანია სათამაშო დრო არ ეძლევა.


    ერთადერთი პრობლემა იმაში მდგომარეობს, რომ ლონდონური კლუბის მფლობელს, რომან აბრამოვიჩს ბრიტანეთის მთავრობამ გარკვეული სანქციები დაუწესა, შესაბამისად კლუბს არ შეუძლია ფეხბურთელების  შეძენა და გაყიდვა. ერთადერთი გზა მხოლოდ იჯარაა. "ჩელსის" ირგვლივ ამ თვალსაზრისით გაურკვევლობაა, კლუბი ახალ მფლობელს ელის, "ნერაძურიც" მიმდინარე მოვლენებზეა დამოკიდებული.


    ბელგიელი ფორვარდი "ინტერში" მშვენივრად ასპარეზობდა. შავ-ლურჯი მაისურით ჩატარებულ 95 შეხვედრაში ლუკაკუს ანგარიშზე 64 გოლია.

    Facebook კომენტარები