• 07-04-2022
    "ინტერი" და "მილანი" ახალი სტადიონის მშენებლობას ჩქარობენ
    "ინტერი" და "მილანი" ახალი სტადიონის მშენებლობას ჩქარობენ

    დადასტურებულია, რომ "ინტერი" და "მილანი" ახალი სტადიონის მშენებლობას აჩქარებენ, ოღონდ ის ქალაქი მილანის შემოგარენში იქნება. 2021 წლის ბოლოს ორივე მხარემ დაამტკიცა, რომ "სან სიროს" მიმდებარედ ააშენებდნენ მოედანს, თუმცა აღნიშნული პროექტი ჩავარდა. ამის მთავარი მიზეზი ისაა, რომ სტადიონის მშენებლობა 2027 წლამდე გასტანს, მაგრამ ქალაქი მილანი 2026 წლის ზამთრის ოლიმპიური თამაშების გახსნის მასპინძელი უნდა იყოს. 


    ვრცელდება ინფორმაცია, რომ კლუბები მოედნის აშენებას მილანის მახლობლად, ქალაქ სესტო ჯოვანიში აპირებენ. ამას ქალაქის მერიც ადასტურებს. ორივე კლუბის ხელმძღვანელობას სურს, რომ ინვესტორებმა მათ ყველა ინფორმაცია ნათლად მიაწოდონ. "პროექტის დამტკიცებას ველოდებით. მესმის, რომ რთული პროცესია, დებატებიც აუცილებელია, მაგრამ ევროპის სხვა ქვეყანაში სტადიონი სამ წელიწადში აშენდებოდა"- აცხადებენ გუნდების პრეზიდენტები. 


    ქალაქ მილანის მერი, ბეპპე სალა აქვეყნებს შემდეგ დოკუმენტს, რომლის მიხედვითაც აუცილებლად გაიმართება მსჯელობა მიმდინარე საკითხთან დაკავშირებით და ამ პროცესში მოქალაქეებიც მიიღებენ მონაწილეობას. აღნიშნულ საბუთს ხელი მოაწერა როგორც "ინტერის," ასევე "მილანის" პრეზიდენტმაც.

    Facebook კომენტარები